.png)
Gazeta Si – Në Brisbane anglezet, në inferioritet numerik pas kartonit të kuq të Xhejms, janë kualifikuar me penallti për në çerekfinale, duke eliminuar Nigerinë. Kampionet e Europës do të ndeshen tani me fituesen e çiftit Kolumbi-Xhamajkë.
🏴 @Chloe_Kelly98 thrives in big moments. 😤@Xero | #FIFAWWC pic.twitter.com/hnEA9ZlkbP
— FIFA Women's World Cup (@FIFAWWC) August 7, 2023
Nigeria ishte pa fat, pasi goditi tarversën në këtë ndeshje. Tri minuta para fundit Lauren Xhejms u ndëshkua me karton të kuq për një ndërhyrje të rëndë ndaj Alozi. Vendimi u mor pasi u panë pamjet me VAR.
Në shtesë nigerianet kishin shansin të kalonin në avantazh, teksa Alozie ishte e vetme në zonë, por goditi keq me të majtën. Te penalltitë anglezet ishin më të sakta, golin vendimtar e shënoi ‘heroina’ e finales së Euro 2022, Kloe Keli.
Expert vision and an expert finish sent the crowd roaring! 📣🇦🇺@Xero | #FIFAWWC pic.twitter.com/0QWyeABkUS
— FIFA Women's World Cup (@FIFAWWC) August 7, 2023
Është kualifikuar për në çerekfinale edhe Australia, një nga dy vendet organizatore, pasi mundi 2-0 Danimarkën. Pas fillimit të mirë të skuadrës europiane, Australia e mori veten dhe e dominoi kundërshtarin. Ford dhe Raso shënuan golat e fitores për australianet, që në çerekfinale do të përballen me Francën ose Marokun.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
