.png)
Valteri Botas ka regjistruar kohën më të mirë në Portimao dhe nesër do të niset i pari. Finlandezi ka bërë një xhiro perfekte, duke dalë 7 të mijëtat më mirë se shoku i skuadrës, kampioni Ljuis Hemilton. Maks Vershtapen ka zënë vendin e tretë, ndërsa Sainz niset nga rreshti i tretë dhe Leklerk nga vendi i katërt.
Të gjithë prisnin një “pole position” nga Ljuis Hemilton apo Maks Vershtapen, por më i miri ishte Valteri Botas. Anglezi ka humbur mundësinë për “pole” numër 100, shpresonte, sepse 1 maji për të ka një domethëjnie të veçantë. Do të ishte një mënyrë për të nderuar idhullin Airton Sena, i cili në Portugali (Estoril) kishte regjistruar “pole” e parë. Por kampioni i botës mbeti 7 të mijëtat prapa Botas.
Një “hakmarrje” e këtij të fundit, që u masakrua në Imola, jo vetëm për incidentin me Rusell, por gjithë javën ishte në vështirësi. Nëse rreshti i parë është i gjithi Mercedes, i dyti është i gjiti Red Bull. Pritej më shumë, por Vershtapen nuk ia doli dhe mënyra si largoi kamerat tregon qartë se ai ishte mjaft nervoz. Në xhiron e fundit ai pati një kryqëzim me Sebastian Fetel dhe nga vendi i parë e ndajnë 4 të dhjetat. Në vend të katërt doli Serxhio Perez.
Te Ferrari, xhiron më të mirë e regjistroi Karlos Sainz, që për herë të parë pozicionohet më mirë se Leklerk në nisje. Francezi renditet në vend të 5-të dhe 6 të dhjetat larg nga Botas.
Nisja e makinave në Portimao
Rreshti i parëa: Botas (Mercedes), Hemilton (Mercedes)
Rreshti i dytë: Vershtapen (Red Bull), Perez (Red Bull)
Rreshti i tretë: Sainz (Ferrari), Okon (Alpine)
Rreshti i katërt: Norris (MekLaren), Leklerk (Ferrari)
Rreshti i pestë: Gasli (AlphaTauri), Fetel (Aston Martin)
Rreshti i gjashtë: Rusell (Uilliams), Xhovinaci (Alfa Romeo)
Rreshti i shtatë: Alonso (Alpine), Tsunoda (AlphaTauri)
Rreshti i tetë: Raikonen (Alfa Romeo), Riçardo (MekLaren)
Rreshti i 9-të: Stroll (Aston Martin), Latifi (Uilliams)
Rreshti i dhjetë: Shumaker (Has), Mazepin (Has)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
