Bota në një javë përmes fotove

Një rrëshqitje toke, e shkaktuar nga tërmeti, shkatërron qindra shtëpi në qytetin e Atsumas në ishullin verior të Japonisë.
Vullkani Villarrica shpërthen nën dritën e yjeve, në qyteti Pucon, në Kili.
Një fëmijë ulet në pragun e shtëpisë, i veshur si Zoti Krishna gjatë festivalit të lindjes së Zotit në Bangladesh.
Kultivuesit e kokainës përleshen ashpër me forcat e policisë, pas urdhrit të qeverisë për të shkatërruar plantacionet ilegale të kokas, në La Punta të Bolivisë.
Një demonstrues palestinez qëllon me gurë trupat izraelite, ndërkohë që palestinezët protestuan për t’u kthyer në atdheun e tyre, në gardhin kufitar midis Izraelit dhe Gazës.
Protestuesit irakianë mbrojnë njëri-tjetrin gjatë një proteste pranë zyrës së qeverisë në Basra.
Ferma më e bukur e lulediellit në Portugali ndodhet pranë qytetit të Portelit.
Drerët pushojnë gjatë një dite me diell në Parkun Phoenix në Dublin, Irlandë.
Një djalosh sirian vë një maskë të improvizuar, mes raporteve se qeveria do të sulmojë sërish me gaz kimik Idlibin.
Qytetarët shikojnë me dhimbje djegin e Muzeun Kombëtar të Brazilit në Rio de Janeiro
Një aktiviste e komunitetit LGBT feston pas vendimit të Gjykatës Supreme për mosdiskriminimin e homoseksualëve dhe lesbikeve.
Qeveria e Mianmarit lë në burg dy gazetarët e “Reuters”, Wa Lone dhe Kyaw Soe Oo, të cilët u arrestuan disa ditë më parë.
Punonjësit përgatisin statujën e Supermanit për ankandin gjigant që do të mbahet këtë muaj në Londër.
Cindy McCain, bashkëshortja e senatorit amerikan John McCain, qëndron e heshtur mbi arkivolin e tij, në Kapitol.
Një 14 vjeçar luan në një rrugicë të Havanës me prezervativ. Prezervativët janë ndër produktet më të importuara në Kubë, për shkak të përqendrimit të qeverisë tek
shëndeti seksual.
Të burgosurit mbushin çantat me rërë, ndërkohë që stuhia tropikale Gordon i afrohet Gjirint St Louis, në Misisipi.