Biletat e finales së Eurovision shiten për 36 minuta

Nga Gazeta Si - Biletat për Eurovision 2023 tani nuk mund të blihen. Konkursi muzikor zhvillohet në M&S Bank Arena në Liverpool nga 9 deri më 13 maj, në qytetin e Mbretërisë së Bashkuar që organizon eventin në emër të Ukrainës për shkak të pamundësisë së vendit për të pritur ngjarjen për shkak të luftës së vazhdueshme me Rusinë, pas pushtimit të kësaj të fundit. Biletat për të 9 shfaqjet - përfshirë finalen - u vunë në dispozicion dje dhe u shitën në kohë rekord.

Ato dolën në shitje në orën 12:00 më 7 mars, me orën e Mbretërisë së Bashkuar, dhe vendet për finalen u shitën për 36 minuta. Shfaqjet e mbetura u mbushën rreth një orë më vonë. Këtu janë ngjarjet:

Gjysmëfinalja e parë - Të martën më 9 maj në orën 20:00;

Gjysmëfinalja e dytë - Të enjten më 11 maj në orën 13:30

Finalja - Të shtunën më 13 maj në orën 20:00

Biletat për finalen e madhe ishin me çmim nga 160 deri në 380 paund (192-456 dollarë), ndërsa biletat për dy gjysmëfinalet ishin nga 90 deri në 290 paund.

Organizatorët më vonë thanë se kërkesa ishte “super e lartë” dhe se fansat që nuk arritën të sigurojnë bileta mund të vazhdojnë të marrin pjesë në ngjarje. Liverpooli pret një festival kulturor dhe një zonë fansash të Eurovizionit, e cila mund të mbajë rreth 25,000 njerëz në Pier Head të qytetit.

Biletave të shitura tashmë, u janë shtuar edhe 3000 të tjera, të vëna në dispozicion për ukrainasit e zhvendosur që jetojnë në Mbretërinë e Bashkuar për të festuar fitoren e Kalush Orchestra në edicionin e kaluar.

BBC njoftoi së fundmi linjën e saj prezantuese dhe komentuese, duke përfshirë Graham Norton, Julia Sanina, Hannah Waddingham, Alesha Dixon, Timur Miroshnychenko, Sam Quek, Mel Giedroyc, Scott Mills, Rylan dhe Claire Sëeeney.

Gjysmëfinalet në 9-11 maj do të prezantohen nga këngëtarja ukrainase Julia Sanina, aktorja Hannah Waddingham dhe ylli televiziv britanik Alesha Dixon, ndërkohë në finalen e Eurovision 2023 do të jetë Norton së bashku me Sanina, Waddingham dhe Dixon.

Tridhjetë e shtatë vende do të marrin pjesë në Eurovision këtë vit, me Ukrainën që kualifikohet automatikisht si fituese e vitit 2022 si dhe të ashtuquajturat “pesë të mëdhenjtë” – BM, Franca, Gjermania, Italia dhe Spanja.

Pesëmbëdhjetë vendet që do të luajnë në gjysmëfinalen e parë më 9 maj përfshijnë Irlandën, Serbinë, Letoninë, Norvegjinë, Portugalinë, Kroacinë, Maltën, Suedinë, Moldavinë, Zvicrën, Izraelin, Holandën, Finlandën, Azerbajxhanin dhe Republikën Çeke.

Ndërkohë, në gjysmëfinalen e dytë më 11 maj do të përballen Armenia, Qiproja, Rumania, Danimarka, Belgjika, Islanda, Greqia, Estonia, Shqipëria, Australia, Austria, Lituania, San Marino, Sllovenia, Gjeorgjia dhe Polonia.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.