.png)
Nga Gazeta “SI” – Në datën 8 Maj në orën 14:30 do të bëhet inagurimi i pavijonit shqiptar në Bienalen e Venecias me titull “Building Architecture Culture” paraqitur nga kuratorja Anneke Akbelah
Konferenca zyrtare për shtyp do të mbahet në mëngjesin e datës 8 maj 2025 në Teatro Piccolo Arsenale ku fjalën e hapjes , të bërë të ditur paraprakisht për mediat, do ta mbajë kuratorja Akbelah e cila paraqet në këtë prezantim një panoramë kryesisht të arkitekturës post-komuniste e cila shpesh lidhet me një diversitet të çrregullt, orientuar nga dëshira për fitim të shpejtë.
“ Tabloja e zhvillimit shqiptar drejtohet kryesisht nga interesat ekonomike, ku sipërmarrësit, shpeshherë të panjohur me ndikimet më të gjera kulturore dhe sociale të arkitekturës, i japin përparësi zgjerimit të shpejtë urban dhe fitimit.
Shumë sipërmarrës nuk e konsiderojnë ende arkitekturën si një mjet për të mirën kolektive por e shohin si një mjet për shfrytëzimin maksimal të vlerës së tokës. Kjo paraqet një sfidë për arkitektët, të cilët duhet të marrin përsipër një rol mbrojtje dhe edukimi, duke negociuar dhe duke u siguruar që mjedisi i ndërtuar të shërbejë më shumë sesa thjesht për përfitime ekonomike.
Këtu arkitektët përballen me sfidën e balancimit të autonomisë së tyre krijuese me interesat e sipërmarrësve, të cilët shpesh i japin përparësi përfitimit ekonomik mbi ruajtjen kulturore ose mjedisore. Roli i arkitektit është zgjeruar dhe vjen me përgjegjësinë për të ruajtur integritetin bazuar në vlera të tilla si etika, komuniteti dhe mbrojtja” shkruan kuratorja Akbelah.
Çmimet e Bienales dhe ceremonia e hapjes do të mbahet në mëngjesin e datës 10 maj 2025 në Ca’ Giustinian (selia e La Biennale di Venezia).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
