Nga Gazeta ‘SI’ - Qeveria ka rikthyer përsëri titujt 15-vjeçar të borxhit, por këtë herë ankandi ka rezultuar më i 'suksesshëm'.
Ndonëse kuponi mesatar i obligacionit nuk ka ndryshuar nga ankandi paraardhës, 6.8% interesi ka rezultuar më i lartë se ai i shkuar. Gjithsesi as këtë herë kërkesa e investitorëve nuk e kaloi shumën e shpallur nga ministria e Financave, 1.1 mld lekë.
Në ankandin e shtatorit, shuma e shpallur për obligacionet 15-vjeçare ishte 1.5 mld, u kërkuan 780 mln dhe u pranuan vetëm 580 mln.
Interesat e larta për këto tituj sollën fillimisht reagim pozitiv të tregut, por pasiguria dhe rënie e dukshme e kuponit për kthimin në afatgjatë duket se i ka tërhequr investitorët. Zgjatja e periudhës së maturimit të borxhit duket se është një ndër qëllimet e qeverisë, lidhur kjo me rrezikun e financimit dhe rekomandimeve të bëra nga autoritetet ndërkombëtare.
Edhe titujt e tjerë të borxhit, si obligacionet afatshkurtra dhe bonot, po shikojnë një rënie të yield-eve, por edhe të interesimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.