.png)
Presidenti i SHBA, Joe Biden, do të nxjerrë në treg, 50 milionë fuçi nafte nga Rezerva e Strategjisë së Naftës që të ulë çmimet dhe të dobësojë inflacionin. Të njëjtën gjë do të bëjnë edhe shtetet e tjera, si Kina, India, Japonia, Korea dhe Mbretëria e Bashkuar.
Në vitet pasardhëse, kjo sasi nafte do t’i rikthehet përsëri Rezervës. Fillimisht, Departamenti i Energjisë nxori 32 milion fuçi dhe në muajt në vijim do të nxjerrë dhe 18 milion të tjera.
“Konsumatorët amerikanë po ndjejnë ndikimin e çmimeve të ngritura të naftës, gazit, shtëpi dhe biznese, sepse oferta e naftës nuk ka qenë e njëjta me kërkesën e tregut pas pandemisë”,-shkruhet në njoftimin e dalë nga Shtëpia e Bardhë. “Prandaj, Presidenti Biden po përdor çdo mjet të mundshëm për të ulur çmimet dhe që të adresojë mungesën e furnizimeve.”
Republikanët kanë fajësuar Biden për nivelin e lartë të inflacionit, që rriti koston e të mirave, përfshirë edhe energjinë elektrike.
India ka thënë se do të nxjerrë në treg 5 milionë fuçi nafte, ndërsa vendet e tjera nuk kanë treguar sasi. Pak orë pas njoftimit nga Shtëpia e Bardhë, nafta brent ra me 12 cent.
Burimi: Reuters/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
