.png)
Gazeta Si - Shtetet e Bashkuara të Amerikës nuk do të dërgojnë në Kiev sisteme raketore me rreze te mesme, që mund të arrijë në territorin rus. Lajmi është konfirmuar nga presidenti amerikan, Joe Biden.
Ky vendim i fundit është pritur mirë nga Moska. Zëvendëspresidenti i këshillit të sigurisë, Dmitri Medvedev, e ka gjykuar "të arsyeshëm" vendimin e Biden për të mos dërguar në Ukrainë raketa me rreze të mesme.
Në rast sulmesh ndaj qyteteve të saj, Rusia, sipas Medvedev, do të godasë qendrat ‘kriminale’, disa prej të cilave janë larg Kievit.
Sa i takon luftës në Ukrainë, Turqia është gati të marrë pjesë në mekanizëm të mundshëm për vëzhgimit në Ukrainë, nëse Moska dhe Kievi arrijnë një akord.
Konfirmimi ka ardhur nga presidenti turk, Rexhep Taip Erdogan, pas një telefonate me presidentin rus, Vladimir Putin. Të dy kanë biseduar për situatën në Ukrainë.
Zyra e presidentit Erdogan ka bërë me dije se Turqia është gati të organizojë një takim mes Rusisë, Ukrainës dhe Kombeve të Bashkuara në Stamboll. Këtë mesazh Erdogan ia ka shprehur Putinit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
