.png)
Nga Gazeta ‘Si’- Kryetari i PD, Sali Berisha gjatë një bashkëbisedimi më ndjekësit e tij në rrjetet sociale nuk e përjashtoi mundësinë edhe të ngritjes së një çadre në shesh.
I pyetur nga një qytetar për mundësinë e ngritjes së një çadre në shesh për të ndryshuar strategji, Berisha tha se “çdo variant do studiohet, por gjë një është e sigurt, ne nga protesta nuk heqim dorë”
Po ashtu kreu i PD ftoi forcat e tjera politike, shoqërinë civile apo edhe faktorë të tjerë që të bashkohen, pasi sipas tij është koha për veprim.
“Do bëjmë gjithçka për t’u bashkuar me forcat e tjera opozitare. Unë i bëj thirrje është koha të veprojmë së bashku kundër një armiku të egër të qenies shqiptare. I bëj thirrje shoqërisë civile që ka mbetur jashtë kontrollit të Edi Ramës, të bashkohet me ne.
I bëj thirrje intelektualëve dilni nga konformizmi tuaj. Ju në universitet nuk keni atë liri që kemi pasur ne në diktaturë. Ju bëj thirrje studenteve. Pensionistëve i bëj thirrje që të bashkohen me ne”, tha kreu i PD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje