.png)
Nga Gazeta ‘Si’- Kreu i PD-së, Sali Berisha, gjatë konferencës së fundit para zgjedhjeve të 11 Majit, komentoi drejtuesin politik amerikan të fushatës së tij, Chris LaCivita.
I pyetur nëse Chris LaCivita e bëri “magjinë” në Shqipëri ashtu si në SHBA kur u zgjodh Donald Trump, Berisha u shpreh se “padiskutim”.
“Nga ajo që kam parë, padiskutim. Ai (Chris LaCivita) është faktor madhor i kësaj fushate fantastike dhe i fitores së 11 majit, nuk ka diskutim”, tha Sali Berisha.
Ai u shpreh i bindur se pas 11 majit, opozita do të kthehet në maxhorancë.
“Sonte kësaj fushate fantastike ta quaj që u zhvillua për 1 muaj, duhet t’i vendosim kurorën më të bukur në ballin e Shqipërisë.
Ndaj ftoj qytetarët e Tiranës të bashkohemi sot për fitoren e datës 11 maj. Kjo do jetë konferenca ime e fundit si kryetar opozite. Kjo opozitë është maxhorancë e Shqipërisë, është ndjesia më reale”-u shpreh Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
