.png)
Gazeta Si – Ish-zv/kryeministrja, Belinda Balluku, ka paraqitur rekurs në Gjykatën e Lartë kundër masës së sigurisë ndaj saj “pezullim i ushtrimit të funksioneve publike”, të vendosur me kërkesë të SPAK nga GJKKO në nëntor të vitit 2025, por të lënë në fuqi edhe nga dy shkallët e tjera të gjyqësorit. Rekursi i Ballukut u depozitua sot dhe mbi këtë kërkesë pritet të shprehet Gjykata e Lartë.
Së fundmi, Prokuroria e Posaçme Antikorrupsion ka zgjatur me 3 muaj afatet e hetimit për dosjen e Tunelit të Llogarasë. Ish-zv kryeministrja dyshohet për “shkelje të barazisë në tendera” tek kjo dosje, ndërsa ndodhet nën hetim për 7 lotet e Unazës së Madhe.
Zgjatja e hetimeve, iu është komunikuar edhe ish-vartësve të saj, Gentian Gjylit dhe Erald Elezit. SPAK ka argumentuar se shtyrja e afateve të hetimit, bëhet për shkak, se kryerja e ekspertizave në kuadër të hetimit merr kohë.
Më herët, Balluku kërkoi në Gjykatën e Lartë pezullimin e masës “ndalim i daljes jashtë vendit”, ankimim që u rrëzua.
Më 9 mars, Gjykata e Posaçme e Apelit mbajti një seancë për masën tjetër, atë të “pezullimit nga detyra”. Pavarësisht se Balluku nuk ushtron më asnjë funksion në pushtetin ekzekutiv, masa u la në fuqi.
Edhe në prill, Apeli i Posaçëm në GJKKO e rrëzoi kërkesën e saj për pezullimin e kësaj mase. Mbrojta e Ballukut pretendon se nuk ka më objekt për masën e pezullimit përderisa Balluku nuk është më as zv.kryeministre dhe as ministre dhe po ashtu nuk ka dekadent pasi ka kaluar afati 3 mujor.
Më 12 mars të këtij viti, Parlamenti votoi kundër kërkesës së SPAK-ut për dhënien e autorizimit për arrestimin ose heqjen e lirisë për Ballukun.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje