.png)
Gazeta Si - Gjykata e Durrësit ka lënë në “arrest me burg” Hekuran Troplinin 20 vjeç dhe Emiljano Pashon 19 vjeç, të cilët dyshohet se iu kanë shitur armë zjarri grupeve kriminale.
Arrestimi i të rinjve erdhi pasi policia zbuloi të shtunën një bazë armësh në fshatin Shkallnur në një banesë të pabanuar dhe gjysmë të ndërtuar.
Brenda saj u gjetën 4 armë zjarri kallashnikovë me 20 krehëra dhe qindra fishekë luftarakë, teksa policia vuri në pranga të rinjtë në momentin që ata po kontrollonin armët.
Gjatë kontrolleve të ushtruara, gjithashtu u sekuestruan edhe 4 celularë që do t’i nënshtrohen akt ekspertimit për të parë nëse do të ketë komunikime që do ndihmojnë hetimin për identifikimin e personave të tjerë. Gjithashtu u sekuestruan para dhe lëndë narkotike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
