.png)
Bashkia e Tiranës nuk i ka paratë për ndërtimin e godinës së Teatrit të ri Kombëtar, por për ta zgjidhur këtë problem do t’u drejtohet institucioneve financiare ndërkombëtare për kredi. Kryebashkiaku Erion Veliaj tha në mbledhjen e Këshillit Bashkiak se për skemën e kredisë nuk është diskutuar ende dhe as është përzgjedhur ndonjë ofertë.
Veliaj këmbëngul se zgjidhja ideale do të ishte ndërtimi i godinës sipas skemës partneritet publik-privat dhe akuzoi artistët se e penguan këtë skemë.
“Versioni më ideal do të ishte me privatin. Arena Kombëtare është shembulli ideal, por kjo nuk u pranua nga artistët. Ne ishim me artistët. Ende nuk i kemi lekët, por do ta bëjmë me lekët e bankës. Do të marrim nga Banka Europiane e Investimeve”, deklaroi ai.
Veliaj solli si shembuj suksesi kreditë e marra nga banka e Abu Dhabit dhe Banka Europiane për Rindërtim e Zhvillim me garanci sovrane nga qeveria.
Kryebashkiaku përsëriti ftesën për bashkëpunim.
“Zemra dhe dora ime është e hapur. Kjo është një shtëpi artit bashkëkohor. Po ndërtojmë një ndërtesë 3 herë më të madhe, apo sa 6-fishi nga ajo që ishte në hipotekë”, deklaroi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
