.png)
Kryedemokrati Lulzim Basha vijon me sulmet ndaj kryeministrit Edi Rama për plaçkitjen dhe shkatërrimin e Shqipërisë.
Basha ka publikuar një video në rrjetin social “Facebook”, ku tregohen sipas tij vjedhjet nga kryeministri Rama dhe një grup oligarkësh.
Sipas Bashës, Rama me familjen dhe miqtë vodhën miliarda euro në 6 vjet.
“Miliarda euro janë vjedhur, abuzuar dhe shpërdoruar nga Edi Rama këto 6 vjet. Të gjitha kanë përfunduar në xhepat e Hajdutit Psiqik ose janë shpërdoruar për tekat e tij në fasada dhe luks”, shkruan Basha.
“Edi Rama është artist i mashtrimit. Çdo gjë që ka premtuar, çdo gjë që ka thënë ka qenë mashtrim me qëllim për të vjedhur. Çdo projekt, program dhe politike i Hajdutit Psiqik është mashtrim për shqiptarët në shërbim të oligarkëve”, vijon më tej kryedemokrati në “Facebook”.
Sipas kryedemokratit, zgjidhja e vetme për të dalë nga kjo situatë është largimi i kryeministrit Rama.
“Që ta shpëtojmë Shqipërinë nga kjo bandë duhet ta largojmë Edi Ramën”, përfundon kryedemokrati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
