.png)
Gazeta Si – Në ‘El Clasico’-n e sotëm ka bërë gjithçka Barcelona, që ka shënuar të tre golat e supersfidës dhe në fund ka siguruar fitoren 2-1, që mund të thuhet si i ka hipotekuar titullin në La Liga. Katalanasit tashmë janë shkëputur 12 pikë nga rivalët e tyre.
Araujo devijoi në portën e tij një top të krosuar nga Vinicius dhe Reali e pa veten në avantazh pas 9 minutash. Barcelona gjeti forca të reagonte dhe në fundin e pjesës së parë barazoi shifrat me Serxhi Roberton.
Rastet vazhduan për katalanasit në pjesën e dytë. Golin do ta gjente Markos Asensio afër fundit të ndeshjes, por VAR–i prishi festën e madrilenëve, duke e anuluar për një pozicion milimetrik jashtë loje.
Në kohën shtesë, Frenk Kesi, i futur në fushë si zëvendësues, shënoi golin vendimtar të sfidës. Pas kësaj ndeshjeje, titulli është çështje e mbyllur në La Liga.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
