.png)
Autoriteti i Konkurrencës ka vendosur nën hetim të thelluar Bankes Petroleum, që dyshohet se ka shkelur rregullat e garës në tregun e prodhimit dhe të tregtimit të naftës bruto.
Kompania hetohet për abuzim me pozicionin dominancë që ka në treg dhe pas akuzave që u ngritën nga rafineria e Ballshit se Bankers nuk kishte përmbushur detyrimet kontraktuale duke i ndërprerë furnizimin me naftë bruto kësaj rafinerie.
“Objekt i veprimtarisë së Autoritetit të Konkurrencës, nuk janë marrëdhëniet kontraktore midis palëve, të cilat bazohen në vullnetin e lirë dhe të plotë të tyre, por vendosja e një konkurrence të lire dhe efektive në treg, kundrejt çdo subjekti që shkel rregullat e konkurrencës”, thotë Autoriteti i Konkurrencës.
Kjo nuk është hera e parë që Bankers Petroleum është nën hetim nga Autoriteti i Konkurrencës përgjatë viteve që ka ushtruar aktivitetin në Shqipëri. Në të gjitha herët e shkuara, kompania u ka shpëtuar ndëshkimeve pasi nuk është gjetur fajtore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
