Banka e Shqipërisë thirrje gjimnazistëve: zgjidhni librin e financave

11:40 - 15 Shtator 2019

Në prag të fillimit të vitit të ri mësimor, Banka e Shqipërisë ka dhënë një njoftim të rëndësishëm për gjimnazistët.

Ne njoftimin e saj në “Facebook”, BSH fton të gjithë nxënësit e shkollave të mesme të zgjedhin edukimin financiar, si pjesë të formimit të tyre si dhe mësuesit t’i mbështesin në këtë zgjedhje.

Përmes këtij njoftimi BSH deklaron se përmes lëndës me zgjedhje “Financat personale në duart tuaja”, nxënësit do të njihen me botën e financave personale dhe administrimin e tyre.

Banka bën me dije se tekstet mësimore për nxënësit dhe libri me ushtrime për mësuesin e lëndës ofrohen dhe shpërndahen falas për të gjitha shkollat.

Postim i i plotë:

Financat personale në duart tuaja

Në prag të fillimit të vitit të ri shkollor, ftojmë nxënësit e shkollave të mesme të zgjedhin edukimin financiar si pjesë të formimit të tyre dhe mësuesit t’i mbështesin në këtë zgjedhje.

Nga viti shkollor 2011-2012, Banka e Shqipërisë mbështet përhapjen e kulturës financiare në shoqërinë shqiptare edhe përmes modulit me zgjedhje të lirë “Financat personale në duart tuaja”. Lënda e edukimit financiar, pjesë e kurrikulës mësimore të shkollave të mesme, i njeh nxënësit me botën e financave personale, për t’i informuar dhe për të formuar tek ta aftësitë e nevojshme për të administruar në mënyrë sa më fitimprurëse paratë. Programi lëndor zhvillohet në 36 orë mësimore dhe mund të zgjidhet nga nxënësit në çdonjërin prej 3 viteve të shkollës së mesme.

Tekstet mësimore për nxënësit dhe Libri me ushtrime për mësuesin e lëndës ofrohen dhe shpërndahen falas nga Banka e Shqipërisë për të gjitha shkollat e mesme që zgjedhin ta zhvillojnë atë.

(a.m/dosja.al)

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.