.png)
Nga Gazeta Si- Pronarët e banesave të vjetra, të ndërtuara para vitit 1991, mund të regjistrojnë online nëpërmjet portalit e-Albania vendimin për kalimin në pronësi të banesës, oborrit në përdorim apo truallit funksional, pa pasur nevojë të paraqiten fizikisht.
Agjencia Shtetërore e Kadastrës ka njoftuar se qytetarët duhet të zgjedhin në e-Albania shërbimin “Aplikim për regjistrimin e kalimit të pronësisë me anë të ligjit, me vendim të gjykatës, apo të një akti administrativ” dhe më pas “Regjistrim i kalimit të pronësisë me anë të aktit administrativ të lëshuar nga ASHK”.
Gjatë aplikimit përfshihen automatikisht edhe shërbimet për lëshimin e certifikatës së pronësisë, kopjen e kartelës së pasurisë dhe fragmentin e hartës kadastrale.
Aplikimi dërgohet elektronikisht, ndërsa pagesa mund të kryhet online, në Postën Shqiptare ose në bankat e nivelit të dytë. Pas përfundimit të procedurës, përfituesit pajisen me dokumentacionin kadastral të pronës.
Informacioni i plotë mbi dokumentet e nevojshme për aplikim gjendet në faqen e ASHK-së, në rubrikën “Shërbime”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje