Gazeta Si – Ballkani ka dhuruar sërish emocione në stadiumin ‘Fadil Vokrri’, këtë herë në Ligën e Konferencës. Kampionët e Kosovës kanë mundur 3-0 irlandezo-veriorët e Larne, duke siguruar thuajse që në ndeshjen e parë kualifikimin në turin e tretë.
Një fitore e thellë, por mbi të gjitha një lojë e bukur dhe me ritëm nga skuadra e Ilir Dajës, që ka treguar se e ka vërtet stofin europian. Tifozët e pranishëm në stadium, pavarësisht temperaturave të larta, kanë shijuar lojën spektakolare të skuadrës kampione.
Rrahmani shënoi golin e parë në mesin e pjesës së parë, pas një penalltie të fituar nga Gripshi. Kryeziu dyfishoi shifrat pak minuta më pas me një aksion model nga Ballkani, që shkoi i qetë në pushimin e ndeshjes.
GOAL! Ballkani 3-0 Larne (66 Nazmi Gripshi)@FootballReprt pic.twitter.com/3syrmYnfu8
— Qureshi Just That (@Qureshi_That) July 25, 2023
Nazmi Gripshi do të shënonte edhe golin e 3-të në pjesën e dytë të ndeshjes. Dominimi i skuadrës nga Suhareka ishte absolut dhe kalimin në turin tjetër duket formalitet. Ballkani luajti sot pa kapitenin Kuç, i cili nuk ishte në gjendjen e duhur shëndetësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.