.png)
Rrugët e Bajernit të Mynihut dhe trajnerit kroat Niko Kovaç tashmë janë ndarë zyrtarisht. Kampionët e Gjermanisë kanë bërë të ditur nëpërmjet kanaleve zyrtare të klubit shkarkimin e trajnerit një ditë pas humbjes së thellë, 5-1, në fushën e Eintrahtit të Frankfurtit. Pozitat e trajnerit Kovaç ishin të lëkundura prej kohësh.
Këtë sezon bavarezët e nisën mirë në Champions, por shumë keq në kampionat, ku aktualisht janë 4 pikë larg vendit të parë, që mbahet nga Borusia Mënshegladbah. Bajerni humbi edhe Superkupën ndaj Borusia Dortmundit dhe në këtë moment është marrë vendimi i shkarkimit pas diskutimeve të shumta mes Rumeniges, drejtorit sportiv Salihamixhiç, presidentit Hënes dhe trajnerit kroat.
Rumenige, me një deklaratë, e ka falënderuar trajnerin Kovaç për trofetë e fituar në krye të Bajernit, veçanërisht për “dopion” e sezonit të shkuar. Në sezonin 2018-2019, Bajerni arriti të fitonte përveç Superkupës së Gjermanisë, Bundesligën dhe Kupën. Ende nuk ka emra kandidatësh për pasuesin e Kovaç në stolin bavarez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
