Drejtoria kundër krimit ekonomik në Policinë e Shtetit ka nisur kontrollet në disa banesa për gjetjen e Arben Ahmetajt ndaj të cilit ka një vendim nga GJKKO për arrest me burg.
Kërkime janë bërë edhe në banesat e familjarëve të Ahmetajt dhe do të vijojnë deri sa të krijohet bindja që ai nuk ndodhet në territorin e Shqipërisë.
Ndërkohë vetë Ahmetaj ka deklaruar së ndodhet jashtë Republikës së Shqipërisë për arsye familjare.
Këtë gjë e kanë pohuar edhe avokatët e tij, ndaj dhe përpjekja e Policisë në këtë rast duket krejt formale dhe pa produkt
Shpërndarja e urdhër arrestit në strukturat e policisë erdhi pasi Gjykata e shkallës së parë kundër korrupsionit dhe krimit të organizuar, miratoi kërkesën e prokurorisë për masën arrest në burg në mungesë për ish-zyrtarin e lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.