.png)
Pas një seri marrjesh në pyetje për audiopërgjimin “Babalja”, Prokuroria e Krimeve të Rënda ka vendosur që të gjithë dosjen t’ia transferojë Prokurorisë së Tiranës. Prokuroria e Krimeve të Rënda ka shpallur moskompetencën për shkak se vepra penale nuk cilësohet krim i rëndë.
Në këtë mënyrë tani mbi fatin e kësaj dosjeje do të vendosë Prokuroria e Tiranës në bazë të materialeve që i janë deleguar nga Krimet e Rënda.
Aktualisht për këtë çështje, Prokuroria e Krimeve të Rënda me miratim të Gjykatës ka lëshuar dy fletë arresti për Fredi Alizotin të arrestuar që dyshohet se ka imituar zërin e vëllait të ministrit të Brendshëm në një bisedë të përgjuar me Albert Veliun të njohur ndryshe edhe si “Babalja”, i cili ndodhet në Kosovë.
Gjithashtu në gjendje të lirë për këtë çështje hetohen edhe gazetari Jetmir Olldashi si dhe deputeti i PD-së, Ervin Salianji.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
