.png)
Tre zyrtarët e PD, Enkelejd Alibeaj, Ervin Salianji dhe Gazmend Bardhi janë thirrur në Prokurorinë e Krimeve të Rënda për të dëshmuar në lidhje me audio-përgjimin e publikuar disa ditë më parë, për të cilin selia blu pretendon se është vëllai i ministrit të Brendshëm, Fatmir Xhafaj i përfshirë në një aferë trafiku droge.
Tre zyrtarët e PD do të dëshmojnë të enjtën në orën 10:00 para prokurorëve të Krimeve të Rënda.
Mëngjesin e të martës, një oficer i Policisë Gjyqësore mori në selinë blu audio-përgjimin e publikuar disa ditë më parë nga PD.
Pas zhvillimeve të shumta të ditës së sotme në lidhje me cështjen e “Xhafaj”, ministri i Brendshëm ka zhvilluar një takim me Kryeministrin Edi Rama. Ende nuk dihet tema e bisedës mes tyre, por takimi u zhvillua, pasi Rama deklaroi se Xhafaj nuk do të largohet nga posti i ministrit, sepse audio-përgjimi i PD nuk është autentik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
