Publikimi i audio-përgjimit, për të cilin PD thotë se bëhet fjalë për vëllanë e ministrit të Brendshëm, Fatmir Xhafaj, ka vënë në lëvizje Prokurorinë.
Oficerët e Policisë Gjyqësore kanë zbarkuar mëngjesin e sotëm në selinë e PD dhe kanë marrë audio-përgjimin, që u publikua një ditë më parë nga selia blu.
PD pretendon se Agron Xhafaj, vëllai i ministrit të Brendshëm, është duke bërë pazare për trafikim droge me një person, që nga selia blu është cilësuar si “bashkëpunëtori X”.
Mbrëmjen e të hënës, Agron Xhafaj ka paditur tre zyrtarët e PD, Enkelejd Alibeaj, Ervin Salianji dhe Gazment Bardhi për kallëzim të rremë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.