.png)
Gazeta Si – Nuk ka pasur fat Partizani në shortin e hedhur sot në Nion sa i takon fazës së ‘Play-off’-it të Ligës së Konferencës. Kampionët e Shqipërisë do të ndeshen me humbësin e çiftit Astana-Ludogorets, nëse arrijnë të kualifikohen ndaj Valmeiras, kundërshtarit të turit të tretë.
Të kuqtë kanë shanse vërtet të mëdha për t’i kaluar letonezët e Valmeiras. Më pas, për të shkuar në grupet e Ligës së Konferencës, pengesa është mjaft e vështirë, sepse si Astana i Kazakistanit dhe më shumë akoma Ludogorets i Bullgarisë, janë kundërshtarë shumë të fortë.
Kujtojmë që Ludogorets është skuadra që eliminoi nga Championsi Ballkanin, ekipin kampion të Kosovës. Skuadra e Ilir Dajës, që gjithashtu merr pjesë në Ligën e Konferencës, në ‘Play-off’ do të ndeshet me humbësin e çiftit Sherif Tiraspol-Bate-Borisov. Një short më i pranueshëm për Ballkanin, nëse kalon kundërshtarin nga Gjibraltari në raundin e tretë.
Struga, kampione e Maqedonisë së Veriut, nëse kalon kundërshtarin nga Luksemburgu në turin e tretë, do të përballet me humbësit të çiftit Zrinjski-Breidablik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
