.png)
Gazeta Si – Askush nuk e ka vendin të sigurt te Bajerni. Sipas ‘Bild’, këtu nuk bëjnë përjashtim as dy nga yjet e skuadrës bavareze, konkretisht sulmuesit Serge Gnabri che Leroi Sane.
Sipas të përditshmes gjermane, duke parë paraqitjet e këtyre dy futbollistëve kohët e fundit dhe veçanërisht kostot e larta të kontratave të tyre, klubi nuk e konsideron të sigurt qëndrimin ë tyre.
Nëse performanca e tyre nuk do të ndryshojë, drejtuesit e Bajernit të Mynihut janë gati të dëgjojnë çdo ofertë të arsyeshme gjatë verës së ardhshme. Kjo do të thotë se Sane dhe Gnabri nuk janë në listën e të pashitshmëve dhe sezonin e ardhshëm mund të ndryshojnë skuadër.
Te bavarezët politikat janë shumë të qarta: mbi të gjitha klubi, individët kanë më pak rëndësi. Dy lojtarët e sipërpërmendur këtë sezon nuk u janë përgjigjur pritshmërive, sidomos muajt e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
