.png)
Autoriteti Rrugor Shqiptar ka ndërhyre për të eliminuar rrëshqitjet në aksin Levan-Tepelenë. ARRSH ka njoftuar se po vijon puna për krijimin e një bajpasi do të mundësojë qarkullimit e automjeteve.
Njoftimi nga ARRSH:
Autoriteti Rrugor Shqiptar dhe kompanitë kontraktore vazhdojnë ndërhyrjen në terren për eleminimin e rrëshqitjes së ndodhur në aksin Levan-Tepelenë, në afërsi të Poçemit.
Gjatë orëve të natës së mbrëmshme dhe ditën e sotme po punohet për krijimin e një bajpasi të shkurtër që do të mundësojë rikthimin e qarkullimit normal të automjeteve.
Duke qenë se vatra e rrëshqitjes është ende aktive, zona po mbahet nën monitorim, për të shmangur rrezikshmërinë dhe planifikuar më tej fillimin e ndërhyrjes për eleminimin e rrëshqitjes dhe heqjen e sasisë së gurëve dhe materialeve të rëna në trupin e rrugës.
Kalimi i mjeteve aktualisht vazhdon tëkryhet përmes rrugës së vjetër të Ballshit , ndërsa Autoriteti Rrugor Shqiptardo të ju informojë në momentin që do të jetë i aksesueshëm bajpasi për tërikthyer lëvizjen nga rruga Levan-Tepelenë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
