.png)
Bashkimi Europian dhe Britania e Madhe kanë arritur tanimë një marrëveshje paraprake për daljen e kësaj të fundit nga unioni. Marrëveshja e Brexit është arritur midis ekipeve negociuese të të dyja palëve përpara takimit të liderëve europianë në Bruksel.
Të dyja palët kanë punuar për draftin paraprak dhe direktivat ligjore të marrëveshjes, e cila pritet të miratohet nga parlamenti i Britanisë së Madhe dhe ai Europian.
Presidenti i Komisionit Europian, Jean-Claude Juncker tha se bëhej fjalë për një "marrëveshje të drejtë dhe të ekuilibruar".
Si ai, ashtu edhe kryeministri britanik, Boris Johnson u kanë kërkuar parlamenteve të tyre përkatëse që të mbështesin marrëveshjen.
Sidoqoftë, kuptohet që plani i ri nënkupton që Irlanda Veriore të trajtohet ndryshe nga pjesa tjetër e Mbretërisë së Bashkuar, duke ngritur shqetësime të mëdha tek partia irlandeze në Parlamentin Britanik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
