.png)
Gazeta Si – Trajneri i PSG-së, Kristof Galtier, është arrestuar sot si "i dyshuar për diskriminim racial dhe fetar". Sipas ‘France Press’, Galtier është ndaluar në Nisë së bashku me djalin e tij.
Në mes të prillit ishte hapur një hetim pas dyshimeve për "diskriminim të bazuar mbi përkatësinë raciale dhe religjioze” ndaj trajnerit 56-vjeçar, kur ai ishte trajner i Nisës në sezonin 2021-22.
Arrestimi i trajnerit është konfirmuar nga prokurori i Nisës, Xavier Bonhomme: "Galtier dhe djali i tij janë ndaluar nga policia gjyqësore e Nisës që prej orës 8.45 të së premtes”, - ka thënë ai.
Gjithçka nisi pas një e-mail-i të publikuar nga Rmc Sport. Ky e-mail ishte shkruar nga drejtori i përgjithshëm i klubit Julien Fournier dhe u drejtohej drejtuesve të Nisës.
"Erdhi në zyrën time dhe më tha se duhej të kisha parasysh realitetin e qytetit, - shkruhej në atë e-mail. – Më tha se nuk mund të kishim shumë lojtarë me ngjyrë dhe myslimanë në skuadër. Më tha se kishte shkuar në restorant dhe të gjithë i kishin evidentuar faktin se Nisa është “një skuadër të zinjsh”.
Është një moment shumë i vështirë për Galtier, i cili javën e ardhshme nuk do të jetë më zyrtarisht trajner i PSG-së. Në vend të tij do të vijë Luis Enrike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
