.png)
Kryetari i komunës së Ulqinit Loro Nrekiq ka rënë sot në pranga bashkë me katër punonjës të tjerë të administratës, për abuzim me detyrën.
Kryebashkiaku shqiptar ndodhej nën akuza për punësime partiake dhe është arrestuar me urdhër të Prokurorisë Themelore të Shtetit (ODT) në Ulqin.
Përveç Nrekiq, u arrestuan gjithashtu Sead Osmanović, Sekretari i Sekretariatit për Financa të Komunës së Ulqinit dhe Shefi i Bordit Komunal të partisë DPS Ulqin, Mustafa Gorana, Sekretar i Sekretariatit për Shërbime Komunale dhe Mbrojtjen e Mjedisit, Saubih Mehmeti, Drejtor i Shërbimit të Mbrojtjes dhe Shpëtimit dhe Milazim Mustafa, Sekretar i Policisë Komunale dhe ish Kryetar i Asamblesë Komunale të Ulqinit.
Arrestimet vijnë ndërkohë që qeveria e re malazeze, pjesë e së cilës është edhe shqiptari Dritan Abazoviç, ka premtuar luftë më të ashpër ndaj korrupsionit dhe punësimeve partiake.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
