.png)
Kryebashkiaku i Bulqizës, Lefter Alla, është arrestuar nga policia me urdhër të SPAK mbrëmjen e të mërkurës.
Në pranga kanë rënë edhe 12 zyrtarë të tjerë, të përfshirë në akuzat për korrupsion dhe abuzim me tenderat publikë.
Sipas SPAK, Alla është vënë në pranga për veprat penale “Shkelja e barazisë së pjesëmarrësve në tendera apo ankande publike”,“Shpërdorimi i detyrës”, “Falsifikimi i dokumenteve” dhe “Falsifikim i formularëve”.
Për këto vepra penale po hetohen edhe 7 persona të tjerë. Oficerët e Byrosë Kombëtare të Hetimit (BKH) kanë zbarkuar në Bashkinë e Bulqizës, pas urdhër arrestit të Prokurorisë së Posaçme (SPAK), për kryebashkiakun Lefter Alla.
Mësohet se oficerët kanë sekuestruar një kompjuter dhe disa dosje nga kjo bashki. Ai u zgjodh kryetar bashkie në zgjedhjet vendore të 2019. Alla fitoi me 92.11 për qind të votave, e thënë ndryshe me 7269 vota kundrejt 522 votave që mori Ilir Balla nga Bindja Demokratike.
Më parë, Alla është marrë në pyetje nga Prokuroria e Posaçme kundër Korrupsionit dhe Krimit të Organizuar për të dhënë sqarime lidhur me dyshimet për abuzime me tenderat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
