Lajme

Arrestohet Babale

Është arestuar nga Policia e Kosovës Albert Veliu, i njohur edhe si “Babalja”.

Arrestimi i Veliut vjen vetëm pak ditë pasi Gjykata la në fuqi masën “arrest me burg”. E njëjta masë u dha edhe për Fredi Alizotin, ndërsa për gazetarin Jetmir Olldashi u dha masa detyrim paraqitje. Të tre akuzohen për veprën penale “Kallëzim të rremë, në bashkëpunim”.

Veliu, i njohur edhe si “Dëshmitari X” i Partisë Demokratike është arrestuar në qendrën e Azilantëve në Prishtinë.

Veliu tentoi pak muaj më parë të arratisej drejt Kosovës por u ndalua në Kukës. Më pas ai u largua drejt Prishtinës ku edhe është arrestuar sot. Pritet të nisin procedurat për ekstradimin e tij.

Prokuroria po heton për të njëjtën akuzë edhe deputetin e Partisë Demokratike Ervin Salianji.


Copyright © Gazeta “Si”



Më Shumë