.png)
Gazeta Si - Tre shqiptarë të shpallur në kërkim ndërkombëtar gjatë operacionit anti-drogë “Highway” të nisur nga Italia në vitin 2017, janë arrestuar në Milano.
Në një njoftim për mediar të policisë shqiptare, të arrestuarit janë: E. B. 32 vjeç, S. T. 43 vjeç dhe D. B. 44 vjeç. Ata akuzohen se janë pjesë e një grupi kriminal të trafikut të lëndëve narkotike.
Pas arrestimit të tyre, Gjykata e Posaçme kundër Korrupsionit dhe Krimit të Organizuar në Tiranë, më datë 3 Tetor 2023 vendosi sekuestroi preventive ndaj pasurive të 3 personave të arrestuar dhe familjarëve të tyre. Këto pasuri kapin vlerën e 1 milion Eurove.
Konkretisht, GjKKO-ja ka caktuar masën “Sekuestro preventive”, për 2 shoqëri tregtare me objekt fushën e peshkimit, së bashku me asetet e tyre, aktivitetet tregtare të 3 subjekteve fizike, së bashku me asetet e tyre, 1 anije peshkimi, 1 apartament, 1 garazh, 1 njësi shërbimi bar-kafene dhe 3 njësi të tjera shërbimi të ndryshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
