.png)
Një 41-vjeçar nga fshati Katund i Ri në Dibër është arrestuar, pasi gjatë kontrollit nga policia në banesë i janë gjetur një automatik dhe 950 fishekë.
Altin Mera rezulton me precedentë të mëparshëm penalë, pasi është dënuar për plagosje të lehtë.
Automatiku dhe fishekët i janë gjetur të fshehura në një çantë në banesë, ndërsa akuzohet për armëmbajtje pa leje.
Operacioniu zhvillua pas sigurimit të informacioneve se ky shtetas mbante armë zjarri pa leje, e gjithashtu për të parandaluar ndonjë ngjarje të mundshme kriminale.
Materialet proceduriale do t'i referohen Prokurorisë pranë Gjykatës së Shkallës së Parë Dibër, për veprën penale "Mbajtje pa leje dhe prodhimi i armëve, armëve shpërthyese dhe i municionit", parashikuar nga neni 278/3 të Kodit Penal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
