Lajme

Armë dhe drogë, arrestohen në Itali 3 shqiptarë

Tre shqiptarë janë arrestuar nga policia italiane për marijuanë dhe armë zjarri. Pistoleta nga ekspertiza ka rezultuar e vjedhur në Romë. Operacioni është bërë mbrëmjen e së martës nga policia e Latina ku në pranga janë vënë tre shqiptarët Altin Rakipi 46 vjeç, Alfred Shehaj 38 vjeç dhe Elton Qerreti 41 vjeç.

Njëri prej tyre rezultonte i shpallur në kërkim ndërkombëtar për trafik droge.

Bëhet fjalë për Alfred Shehaj, të cilin autoritetet greke e kishin dënuar me 15 vite burg për trafik droge, pasi ishte kapur me 100 kilogramë marijuanë.

Por, për shkak se ishte i kërkuar në shtetin fqinj, ai kishte ndërruar vendin e qëndrimit duke shkuar në Itali, ku vijonte sërish aktivitetin kriminal.

Në cilësinë e provës materiale shqiptarëve iu sekuestrua lënda narkotike si dhe pistoleta Magnum e kalibrit 357.


Copyright © Gazeta “Si”



Më Shumë