Gazeta Si – Sulmuesi kuqezi i Çelsit, Armando Broja, ka filluar stërvitjen në mënyrë individuale. Pas gati 4 muajsh nga dëmtimi që e la jashtë fushave me skuadrën e tij dhe Kombëtaren shqiptare, ai ka hyrë në një fazë të re të rikuperimit.
Broja ka postuar një foto në profilin e tij në rrjetet sociale, ku ai shfaqet duke u stërvitur në palestër. Futbollisti kuqezi do të jetë gati për Çelsin sezonin e ardhshëm. Ai mund t’i mungojë Shqipërisë edhe në dy ndeshjet kualifikuese të qershorit ndaj Moldavisë dhe Ishujve Faroe.
Kujtojmë që Broja dëmtoi ligamentet e gjurit në dhjetor të vitit të kaluar, gjatë një ndeshjeje miqësore të Çelsit me Aston Vilën. Fakti që tashmë ai ka nisur stërvitjen individuale është një lajm i mirë për trajnerin Silvinjo, por ende nuk është e qartë se kur lojtari do të jetë gati për brazilianin e stolit kuqezi.
Armando Broja ishte një nga mungesat e mëdha në ndeshjen e parë kualifikuese të Euro 2024 ndaj Polonisë, ku Shqipëria humbi me rezultatin 1-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.