.png)
Gazeta Si – Dëmtimi në gju është lënë pas, Armando Broja po stërvitet rregullisht me Çelsin në përgatitjet verore. Sulmuesi i Kombëtares shqiptare, duke folur për kanalin zyrtar të klubit londinez, ka theksuar se është gati për një sezon të madh.
“Jam rikthyer në stërvitje dhe ndihem shumë mirë, sepse jam përsëri në skuadër, mes shokësh. Ishte një kohë e gjatë jashtë skuadre, i vetmuar, një periudhë aspak e lehtë, por tani jam i lumtur që po shijoj fushën.
Pres një sezon të madh, ndaj më duhet të përgatitem sa më mirë. Nuk është e lehtë të kthehesh pas një dëmtimi aq të rëndë. Tani dua vetëm të rikthehem në formën optimale dhe të zhvilloj një sezon të madh”, - është shprehur Broja.
Sulmuesi i ka munguar edhe Kombëtares kuqezi në ndeshjet e fundit. Për dy sfidat e shtatorit me Çekinë dhe Poloninë, që vendosin shumë për kualifikimin e mundshëm në Europianin 2024, ai do të jetë nën urdhrat e trajnerit Silvinjo. Një ‘armë’ më shumë për kuqezinjtë, për të kaluar me sukses dy pengesat më të vështira drejt ëndrrës europiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
