.png)
Gazeta Si – Pas disa javësh në stol dhe jashtë skuadre, Ardian Ismajli u rikthye në fushë mbrëmjen e së hënës. Mbrojtësi i Kombëtares u aktivizua si zëvendësues pas gjysmë ore lojë në ndeshjen me Sampdorian në tansfertë, që përfundoi në barazim, 1-1.
Pika e fituar në këtë ndeshje ka bërë që Empoli të sigurojë qëndrimin në Serinë A me Empolin edhe për sezonin e ardhshëm. Mbrojtësi kuqezi ka bërë një sezon të mirë dhe gjithmonë ka pasur besimin e trajnerit, por disa dëmtime kanë kushtëzuar aktivizimin e rregullt të tij.
Për arsye dëmtimi Ismajli mungoi edhe në ndeshjen e parë kualifikuese të Shqipërisë ndaj Polonisë. Ai do të jetë gati për trajnerin Silvinjo për dy ndeshjet e qershorit me Moldavinë dhe Ishujt Faroe.
Ismajli është një nga mbrojtësit që ka pasur rritje të vazhdueshme si me klubin e tij, ashtu edhe me Kombëtaren.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
