Gazeta Si - Arbër Çekaj ka marrë një dënim të ri, pvarësisht se po vuan dënimin me 14 vite burg për trafikimin e 613 kg kokainë të kapur në biznesin e tij në Durrës.
Gjykata e Tiranës, e ka shpallur fajtor për tentativën e arratisjes nga burgu "313" në kryeqytet në gusht të vitit të kaluar.
Për shkak të gjykimit të shkurtuar, dënimi i tij është ulur në 1 vit. Në të njëjtën dosje, gjykata ka dënuar përfundimisht me 2 vjet burg Lulëzim Çepelen, po i burgosur te "313"-ta kur ndodhi tentativa e arratisë.
Ai u fajësua për “dhënie ndihme një të burgosuri për largim”. Sipas gjykatës, Çepele ditën e ngjarjes ka prerë damarët për të krijuar shpërqendrim tek punonjësit e sigurisë.
Në 8 gusht 2021, Çekaj tentoi të arratisej bashkë me Fatmir Pjetrin, i cili do të gjykohet i veçuar.
Ata dolën nga zgara e zonës së ajrimit e më pas, duke përdorur një litar të prodhuar me çarçafë zbritën në hapësirën para portës së burgut, por nuk munden të dilnin nga rrethimi.
Ndonëse plani dukej i përpiktë, arratisja u mbyll me arrestimin e të dyve, si të trafikantit të kokainës, ashtu edhe anëtarit të bandës së “Babagjyshëve”.
Pas tentativës për arratisje, Çekaj është vendosur nën regjimin e ashpër “41 biss”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.