.png)
Gjykata e Posaçme ka dënuar me 14 vjet burg Arbër Çekajn për trafik ndërkombëtar të lëndëve narkotike.
Prokuroria kishte kërkuar 21 vite burg, kërkesë të cilën e konfirmoi edhe gjykata, por për shkak të gjykimit të shkurtuar Çekaj përfitoi ulje të dënimit me një të tretën.
Çekaj mohoi ngjarjen e dy viteve më parë, kur brenda një kontejneri bananesh u gjetën 613 kg kokainë të ardhura nga Kolumbia, që kaloi nga Italia, në Portin e Durrësit dhe më pas në magazinën e Çekajt.
Avokati i Arbër Çekajt, Maks Haxhia, u shpreh kundër vendimit të Gjykatës së Posaçme për dënimin me 21 vite burg ndaj klientit të tij.
Në fund të seancës, Haxhia tha se ky është një vendim qesharak dhe skandaloz, pasi sipas tij, gjykata nuk pati asnjë provë kundër Çekajt.
Arbër Çekaj u arrestua në maj të vitit të kaluar në Gjermani.
Gjithashtu, gjykata dha vendimin edhe për anëtarët e tjerë të kësaj dosje, ku Donaldo Lushaj u dënua me 10 vjet e 8 muaj burg, ndërsa Armando Pezaku u dënua me 8 vjet e 8 muaj burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
