.png)
Arbër Çekaj, pronari i kompanisë “Arbri Garden” kërkoi sot nga salla e gjyqit që përfaqësues të ambasadës amerikane dhe gjermane të jenë të pranishëm në procesin ndaj tij.
Duke sjellë në vëmendje deklaratat e ish-ambasadorit amerikan, Donald Lu, që e konsideroi “peshk të madh”, Çekaj u shpreh se kërkonte të ishin të pranishëm për të parë që “gjyqi është fars”.
“Drejtuesi i ambasadës amerikane më ka konsideruar peshk të madh, duke iu referuar të dhënave të prokurorisë. Kërkoj që e nderuara ambasadë të jetë e pranishme për të kuptuar se kush është peshk i madh dhe kush jo. Kush merret me kokainë, e kush me banane. Meqë kanë investuar shumë në SPAK”, është shprehur Çekaj.
Seanca e sotme ku pritej të lexohej mbrojtja dhe jepej vendimi, u shty më 19 shkurt për mungesë të mbrojtjes. Kjo është e disata herë që shtyhet seanca për të.
Arbër Çekaj akuzohet për trafikimin e 613 kilogramëve kokainë që u zbulua në magazinat e kompanisë së tij Arbri Garden në Maminas, ndërsa për rreth një vit u mbajt i arrestuar në Gjermani, dhe u ekstradua nga Gjermania drejt Shqipërisë më 19 shtator.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
