.png)
Gazeta Si - Arabia Saudita ka tërhequr kandidaturën për organizimin e Botërorit të futbollit në 2030-ën. Ajo do të kandidonte bashkë me Greqinë dhe Egjiptin. Lajmit zyrtar duket se i ka paraprirë e përditshmja spanjolle 'Marca', duke shpjeguar se vendimi është marrë.
Shkak është bërë projekti i Spanjës, Portugalisë dhe Marokut dhe arabët, pasi kanë analizuar gjithë situatën, kanë arritur në konkluzionin se për ta do të ishte e pamundur të fitonin përballë kandidaturës rivale.
Këto vite kanë bërë një punë të madhe diplomatike Federata Portugeze e Futbollit dhe Federata Spanjolle. Ministri saudit i Punëve të Jashtme, Faisal bin Farhan Al Saud, ka kontaktuar orët e fundit Greqinë dhe Egjiptin për t’u komunikuar vendimin e tërheqjes nga projekti i tyre i përbashkët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
