.png)
Yjet e popit Ed Sheeran, Taylor Swift dhe Bad Bunny ishin ndër artistët më të transmetuar të vitit 2021, sipas shifrave nga Apple Music dhe Spotify.
Por ishte e sapolançuara Olivia Rodrigo ajo që zuri vendin e parë në Mbretërinë e Bashkuar - me këngën e saj “Good 4U”, që u shfaq si kënga më e transmetuar në të dyja shërbimet.
Globalisht, hiti i saj debutues, “Drivers License”, ishte kënga më e madhe për përdoruesit e Spotify.
Publiku i Apple preferoi pop-in e shkëlqyeshëm të BTS, kënga e së cilës Dynamite ishte kënga më e transmetuar e vitit.
Fillimisht e lançuar në vitin 2020, kënga “Dynamite” nuk arriti të hynte në pesëshen më të mirë të Spotify - me sa duket sepse shërbimi i transmetimit u lançua vetëm në Korenë e Jugut.
Artistët britanikë u përfaqësuan mirë në listat e fundvitit, me Dua Lipën me “Future Nostalgia” që u bë albumi i dytë më i luajtur i Spotify, pas Sour të Olivia Rodrigo.
“Bad Habits” i Ed Sheeran - i lëshuar posaçërisht për të përcjellë një verë të lehtësimit nga izolimi - ishte kënga e tretë më e madhe e Spotify në 2021.
Megjithatë, ai doli në vendin e 53-të në tabelën e Apple, duke reflektuar audiencën më të përqendruar në SHBA.
Për dëgjuesit e Apple në Mbretërinë e Bashkuar “Bad Habits” ishte kënga e tretë më e transmetuar e vitit në vendlindjen e Sheeran.
Listat u përpiluan shumë herët që Adele të linte përshtypje me këngën e saj “Easy On Me”.
Me një muaj të tërë kalendarik të vitit 2021, Adele mund të hyjë lehtësisht në top 10. Albumi i saj i katërt, “30”, tashmë është bërë më i shituri i vitit në SHBA, vetëm pas një jave shitje.
Sipas Spotify, artisti më i njohur i vitit në përgjithësi ishte reperi portorikan, “Bad Bunny”, i cili grumbulloi një total mbresëlënës prej 9.1 miliardë klikime.
“Unë nuk jam i interesuar të jem artisti numër një më i transmetuar”, tha 27-vjeçari, pasi dëgjoi lajmin. “Unë thjesht bëj muzikë. Thjesht më pëlqen ‘puna’ ime”.
Taylor Swift, e cila publikoi versione të reja të albumeve të saj klasike “Fearless” dhe “Red” këtë vit, ishte artistja e dytë më e luajtur në Spotify, e ndjekur nga BTS, Drake dhe Justin Bieber.
Së bashku, Spotify dhe Apple Music përbëjnë 48% të tregut global të transmetimit dhe artistët e suksesshëm mund të tërheqin një numër të madh klikimesh për këngët e tyre më të njohura.
Të gjitha këngët në top pesëshen e Spotify janë transmetuar më shumë se 1 miliard herë gjatë 12 muajve të fundit.
Fitimet nga transmetimi kanë ndihmuar industrinë e muzikës të rimëkëmbet nga kriza e piraterisë së viteve 2000, me kompanitë diskografike në Mbretërinë e Bashkuar që fituan 736.5 milionë funte vitin e kaluar.
Por ka kritika për mënyrën se si shpërndahen ato para, me shumë muzikantë dhe kompozitorë që thonë se marrin një shumë të vogël kur luhen këngët e tyre.
Në fillim të këtij viti, një komitet deputetësh bëri thirrje për një “rivendosje të plotë” të tregut të transmetimit, duke sugjeruar që honoraret duhet të ndahen në mënyrë të barabartë midis kompanive diskografike dhe muzikantëve.
Sipas sistemit aktual, artistët marrin rreth 16%.
Marrë nga BBC, përshtati në shqip Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
