Shtyhet në Gjykatën e Apelit të Tiranës procesi gjyqësor për dosjen “CEZ”.
Shkak për shtyrjen është bërë mosformimi i trupit gjykues, për shkak të mungesës së gjyqtares Fatmira Hajdari.
Ditën e martë, kreu i Grupit Parlamentar të PS-së, Taulant Balla kërkoi përjashtimin e gjyqtares, Fatmira Hajdari nga gjykimi i padisë së Kuvendit për privatizimin e CEZ.
Përmes një shkrese drejtuar Gjykatës së Apelit mbi këtë proces, ku palë e akuzuar janë ish-kryeministri Sali Berisha dhe djali i tij, Shkëlzen Berisha, Balla kërkoi përjashtimin e gjyqtares Hajdari për shkak të miqësisë familjare të saj me të akuzuarit.
Seanca e radhës do të mbahet në datën 24 qershor.
Kuvendi i Shqipërisë ka ankimuar në Apel vendimin për pushimin e çështjes CEZ nga ana e Gjykatës së Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.