Teste për koronavirusin në çdo cep të Shteteve të Bashkuara të Amerikës dhe për të gjithë. Kjo është kërkesa ndaj qeverisë amerikane e Ervin Xhonson, ose siç njihet nga të gjithë “Mexhik” Xhonson.
Ish-basketbollisti i famshëm amerikan, një monument i sportit në Shtetet e Bashkuara, i intervistuar nga “Cnn”, ka dashur të tërheqë vëmendjen për trajtimin njësoj nga qeveria të të gjitha kategorive të njerëzve, jo vetëm për testin e koronavirusit, por edhe për kurimin e atyre që janë të prekur. "Për komunitetin afroamerikan, që është më i prekuri nga epidemia, testet duhet të jenë të disponueshëm në çdo anë të Amerikës, në mënyrë që të gjithë komunitetet të kenë akses të barabartë”, - ka theksuar mes të tjerash Xhonson.
Ditët e fundit Amerika është vendi më i goditur nga pandemia e koronavirusit, ku njerëzit që humbin jetën çdo ditë janë më shumë se 1500. Dhe me i prekur duket komuniteti afroamerikan, ndaj dhe “Mexhik Xhonson” ka reaguar, duke kërkuar barazimi në trajtimin shëndetësor të popullsisë amerikane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.