Gazeta Si – Një rënie e rrezikshme për Pol Espargarò gjatë sezionit të dytë të provave për Çmimin e Madh të Portugalisë në MotoGP. Piloti spanjoll i skuadrës GasGas është rrëzuar në pistë, te kthesa numër 10.
Espargarò ka rënë para motorit të tij, që më pas e ka goditur, duke krijuar ankth për të gjithë. Ish-piloti i Hondës ka qenë i ndërgjegjshëm në momentin që ka marrë ndihmën e parë, pastaj është transportuar në qendrën mjekësore.
Hervè Poncharal, drejtuesi kryesor i skuderisë, së pari ka garantuar bashkëshorten e Pol Espargarò se piloti është në gjendje të mire shëndetësore. Nga informacioni paraprak është mësuar se nuk kemi të bëjmë me pasoja të rënda.
Kontrollet e detajuara mjekësore do të tregojnë më saktë diagnozën e pilotit në prag të garës portugeze.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.