.png)
Një 20-vjeçar shqiptar ka pranuar se po rriste kanabis në një fermë të madhe droge të gjetur nga policia brenda një gjykate të braktisur në Runcorn, Angli.
Ilidion Brahaj, 20 vjeç, pa vendbanim të caktuar, u paraqit në Gjykatën Chester Crown të mërkurën ku u deklarua fajtor për prodhimin e një droge të klasit B.
Ai kishte rritur më shumë se 1000 bimë brenda ish-gjykatës Halton në Northway në Runcorn.
Oficerët nga policia e Cheshire ekzekutuan një urdhër kontrolli në gjykatën e braktisur, disa metra larg nga Stacioni i Policisë Runcorn më 25 nëntor të 2021. Aty gjetën kanabis dhe materiale për rritjen e bimës.
Brahaj u paraqit për herë të parë në Gjykatën e Crown të premten, më 26 nëntor dhe që atëherë ka mbetur në paraburgim.
Të mërkurën, Brahaj pranoi fajësinë dhe u rikthye në paraburgim për t'u dënuar muajin e ardhshëm pas përfundimit të një raporti para dënimit.
Gjykata Halton u mbyll nga Ministria e Drejtësisë më 13 janar 2017, si pjesë e një ristrukturimi dhe që atëherë ka mbetur bosh duke u shkatërruar komplet.
Përveç dritareve të thyera, pjesa e jashtme e ndërtesës gjithashtu është e shkatërruar edhe sepse në dhjetor të 2017 u përfshi nga zjarri.
Shkurret që bllokonin pamjen e gjykatës u shkurtuan pas zbulimit të fermës së kanabisit.
Dokumentet e Regjistrit të Tokës treguan se një kompani e pasurive të paluajtshme në Staffordshire e bleu ndërtesën në vitin 2020 për 200,000 paund.
Kryetari i laburistëve Keir Starmer iu referua zbulimit të fermës së kanabisit në një artikull për Metro, në të cilin ai nisi një ankesë kundër kryeministrit Boris Johnson dhe qeverisë mbi të dhënat e tyre në trajtimin e krimit.
Burimi: Echo. Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
