Ambasadori i BE-së në vendin tonë, Luigi Soreca, ka vlerësuar aksionet e policisë kundër krimit, por ka kërkuar edhe vijueshmërinë e këtyre aksioneve dhe tha se duhet të ketë një Ministri të Brendshme funksionale.
Nëpërmjet një postimi në “Twitter”, ai thekson se duhet të vijojë lufta kundër krimit të organizuar.
“Muajt e fundit, Policia e Shtetit ka ndërmarrë operacione të rëndësishme policore kundër krimit të organizuar. Një Ministri e Brendshme plotësisht funksionale, në gjendje të vazhdojë të luftojë me forcë kundër krimit të organizuar është thelbësore për në rrugën e Shqipërisë drejt Bashkimit Europian”, shkruan Soreca në “Twitter”.
Pas dorëheqjes së Fatmir Xhafajt, në postin e Ministrisë së Brendshme i komanduar do të jetë Sandër Lleshi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
