Gazeta Si - Gjykata e Tiranës ka caktuar masën e sigurisë "arrest në burg" për Marash Gjoklajn, 27 vjeç, i cili akuzohet për ngacmim seksual dhe kanosje.
I riu, i cili në rrethana të dyshimta sapo kishte dalë nga burgu për vepra të ngjashme penale, u arrestua këtë fundjavë (25 nëntor), pasi u denoncua nga një 19-vjeçare me pretendimin se e kishte ngacmuar seksualisht në ambientin e saj të punës.
Sipas pamjeve filmike, i riu e ngacmon me fjalë të renë dhe largohet, ndërsa rikthehet më pas dhe tentoi të abuzojë seksualisht.
Herën e dytë pasi u rikthye, Gjoklaj iu afrua tek banaku dhe me fjalë fyese e kapi për dore dhe tentoi ta dërgonte në magazinë duke e goditur.
Gjatë kësaj kohe ai e dëmtoi në duar dhe e goditi tek pjesa e syrit të djathtë vajzën, duke i shkaktuar një hematomë dhe skuqje. Pas këtij momenti shitësja mundi të dalë në rrugë dhe të kërkojë ndihmë tek kalimtarët.
Në dëshminë e saj në polici, vajza tregoi se nuk e njihe 27-vjeçarin dhe nuk e kishte parë asnjëherë më parë.
Në të njëjtën ditë, Gjoklaj kishte ngacmuar dhe kanosur me thikë edhe një 20-vjeçare në “Rrugën e Dibrës”. Para togave të zeza 27-vjeçari deklaroi këtë të hënë se nuk i ka kryer veprimet për të cilat akuzohet.
Policia thotë se Gjoklaj ka qenë i dënuar më parë me 4 vite burg për “marrëdhënie seksuale me dhunë me të rritura” dhe aktualisht gëzonte lirinë me kusht.
Mbeten ende të paqarta argumentet e gjykatës se mbi çfarë baze i ka dhënë të riut lirinë pavarësisht dënimit për një vepër të rëndë penale.
Krahas veprave penale të abuzimit seksual që dhe është dënuar, ai është arrestuar më herët edhe për vjedhjen e parave të një gruaje. Për kjo përfundoi keq për Gjoklajn, i cili u mor peng nga 3 djemtë e 42-vjeçares.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.