Boris Johnson ngurroi në ashpërsimin e masave kufizuese kundër përhapjes së Covid vjeshtën e shkuar me mendimin se “ata që po vdisnin ishin të moshës mbi 80 vjeç”.
Kjo është deklarata e dhënë për BBC nga Dominic Cummings, ish-këshilltari i Kryeministrit britanik. Sipas tij, Johnson ishte i mendimit që Covidi të përhapej në të gjithë vendin dhe krijohej imuniteti i tufës, se sa të shkatërronte ekonominë e vendit.
Ish-këshilltari i Johnson tha gjithashtu se Kryeministri britanik nuk i besonte informacionet se sistemi shëndetësor i vendit ishte i tejmbushur me pacientë për shkak të pandemisë.
Qeveria iu përgjigj këtyre akuzave duke deklaruar se “Kryeministri, i këshilluar nga njerëzit më ekspertë kishte marrë të gjitha masat e nevojshme për të mbrojtur jetën e qytetarëve”.
Rastet e reja me Covid kërcyen vjeshtën e kaluar në Britani, duke nxitur debate mbi efektivitetin dhe kohën e masave të Qeverisë.
Cummings i tha BBC se ai, së bashku me kryekëshilltarin Patrick Vallance i kërkuan Boris Johnson ashpërsimin e masave kufizuese. “Jo, jo, jo! Nuk ka për të ndodhur”, citohet Johnson.
“Në atë periudhë, Johnson kishte presionin e disa mediave, por edhe të një pjese të partisë së tij për të mos e mbyllur vendin dhe gjithmonë u referohej shkrimeve kundër mbylljes të publikuara në Daily Telegraph”, tregon Cummings.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.